Mes të arrestuarve nga policia në kuadër të megaoperacionit “Volvo4” është edhe Mimoza Ndoka, motra e ish-deputetit të PS, Arben Ndoka. Ajo ka dalë përpara Gjykatës së Krimeve të Rënda krahas 33 të arrestuarve të tjerë, ndërsa mbi të rëndon akuza e tjetërsimit të pronave në Lezhë.
Gjyqtari i ka dhënë leje për pak minuta Mimoza Ndokës që të ushqejë fëmijën e saj me gji në ambientet e Gjykatës.
Nga ana e tij, ish-deputeti socialist, Arben Ndoka ka mohuar akuzat në adresë të tij, duke deklaruar se nuk ka falsifikuar asnjë dokument.
S’kam falsifikuar asnjë dokument dhe asnjë prone. I kam kërkuar llogari familjarëve të mi për një pronë. Dhe kam aplikuar në bashki për një leje.
