Një e mitur 17- vjeçare është nën procedim penal nga Policia në gjendje të lirë, pasi akuzohet se ka shqetësuar përmes telefonit ish-të dashurin e saj.
Bëhet fjalë për shtetasen me inicialet L.P. 17 vjeçe, banuese në Tiranë.
Sipas njoftimit të Policisë, ish-i dashuri i saj, shtetasi E.N. 32 vjeç ka kallëzuar në Polici se është shqetësuar përmes telefonit nga L.P. 17 vjeçe, për të cilën ka thënë se e ka patur të dashur.
“Më datë 10.12.2017, u referuan materialet në Prokurorinë e Rrethit Gjyqësor Tiranë, për shtetasen e mitur me iniciale L.P, vjeç 17, banuese në Tiranë, pasi dyshohet se nëpërmjet telefonit, ka shqetësuar ish të dashurin, shtetasin E.N., vjeç 32, banues në Tiranë”, tha zyrtarisht Policia e Tiranës.
