Kreu i qeverisë Edi Rama i bëri të qartë opozitës jo parlamentare shqiptare se nuk do të ketë pushtet në tavolinë.
“Mos i dëgjoni kadrinjtë që shihni çdo natë në televizor. Ata duan tju thone juve se Shqipëria është një vend i zi, që duhet ikur se s’ka më asgjë per të bërë.
Mos harroni, në fund të ditës vendos populli se kush e fiton dhe kush e humbet betejën.
Zgjedhjet, zgjedhje dhe vetëm zgjedhje.
Janë zgjedhjet e 30 qershorit që vendosin se cila është Bashkia që duam sot.
Lulzim Bashës dhe atyre qe e ndjekin pas i themi se ne na vjen turp për ju, e keq për ata që ju braktisën. Por në fund te fundit është e drejta juaj që tradhtuat ata që i premtuat se do i përfaqësonit në Kuvend.
Unë kam ende një ftesë për ju: Hajdeni, ulemi ta miratojmë se bashku reformën dhe biem dakord ti eksperimentojmë në disa zona numerimin elektronik.
Ne jemi gati të miratojmë në Kuvend edhe çdo masë ndëshkuese për shitblerjen e votave që e ka merak të madh doktoresha horoskopike, Monika Kryemadhi.
Nëse ju në 30 qershor fitoni një Bashki më shumë se ne, ne jemi gati të shkojmë në zgjedhje të parakohëshme,” u shpreh Rama.
Përgatiti: AlpeNews.al
