Dy persona, vëllezër, janë arrestuar ditën e sotme në Dibër, të akuzuar për shkatërrim prone dhe kundërshtim të efektivëve të policisë. Mësohet se në pranga kanë rënë Bastri Sula 29 vjeç dhe Sabri Sula 22 vjeç.
Ata akuzohen se në qytetin e Peshkopisë, për motive të dobëta kanë thyer xhamat e një biznesi privat ‘Bar-Restorant’, dhe gjatë ndërhyrjes së shërbimeve të policisë për shoqërimin në komisariat të tyre, dy vëllezërit kanë kundërshtuar punonjësit e policisë duke i penguar në kryerjen e detyrave të tyre funksionale.
Materialet procedurale i kaluan Prokurorisë Pranë Gjykatës së Shkallës së Parë Dibër, për veprat penale “Shkatërrim prone”, dhe “Kundërshtimi i punonjësit të policisë së rendit publik”.
