Mjeku infeksionist Pëllumb Pipero ka folur për situatën e krijuar nga ëprhapja e koronavirusit në vendin tonë.
I ftuar në Abc News, gazetari i lexoi atij një mesazh që i kishte mbërritur nga një qytetare, e cila shkruante se po detyrohen familjarët e viktimave që të thonë se i afërmi i tyre ka vdekur nga koronavirusi.
Sipas saj, një familjeje nga fshati i saj që i kishte vdekur i afërmi, i është thënë se do ta paguanin 3 mijë lekë të vjetra nëse deklaronte se i ndjeri kishte humbur jetën ëpr shkak të COVID-19.
Lidhur me këtë, Pipero u shpreh se nuk ka mundësi të ndodhë, pasi duhet letër konfirmuese nga mjeku infeksionit që e ka ndjekur.
“Nuk mund të ndodhë pavarësisht se çfarë thonë. Pa një letër konfirmuese nga mjeku që është Covid nuk ka shanse të ndodhë kjo gjë. Nuk duhet ta besojmë”, u shpreh Pipero.
