Nga takimi që zhvilloi në Kukës, kryesocialisti Edi Rama tha se papunësia për gratë është përgjysmuar dhe ka zbritur në nivele njëshifrore, ndërsa pjesëmarrja e tyre në forcat e punës është rritur ndjeshëm.
Në fushën e ekonomisë, Rama theksoi se investimet e huaja në Shqipëri janë mbi mesataren e rajonit, çka sipas tij është tregues i kapaciteteve të reja që po zhvillon vendi.
”Pabarazia gjinore, ishim vendin e 83 në klasifikimin e Kombeve të Bashkuara, sot jemi ne vendin e 23. Shumë vende të BE janë shumë pas nesh, rajoni nuk diskutohet. Papunësia për gratë është përgjysmuar, ka zbritur në njëshifrore. Pjesëmarrja e grave në forcat e punës, vetëm 50 % merrnin pjesë sot janë gati 70 përqind. Paga mesatare e grave është rritur në mënyrë të ndjeshme. Investimet e huaja, tregojnë për kapacitetet e reja që ka treguar ekonomia. Shqipëria ka një nivel më të lartë se mesatarja e rajonit. Eksportet, shumë thonë se këtu nuk prodhohet asgjë, por nëse shohim eksportet janë 3 herë më shumë se sa kur morëm detyrën’, tha Rama.
