Ministria e Evropës dhe Punëve të Jashme ka reaguar lidhur me mbishkrimet raciste të ngjyrosura në një prej lagjeve të shqiptarëvë, në Manastir të Maqedonisë.
“Ministria për Evropën dhe Punët e Jashtme të Republikës së Shqipërisë shpreh keqardhjen e saj dhe dënon gjuhën e urrejtjes së përdorur në mbishkrime në hapësira publike në Manastir, në adresë të shqiptarëve.
Nuk është hera e parë që Manastiri, qyteti i kongresit historik të gjuhës shqipe dhunohet qëllimisht e në mënyrë të papranueshme nga akte të cilat kërkojnë të mbjellin urrejtje, përçarje e të nxisin tensione mes komuniteteve.
MEPJ u kërkon autoriteteve të Maqedonisë të hetojnë dhe të venë para përgjegjësisë autorët e këtyre sulmeve, të cilat bien ndesh e cenojnë frymën e bashkëjetesës dhe harmonisë në Maqedoni e në gjithë rajonin”, thuhet në lajmërimin e nisur të MEPJ ndaj autoriteve maqedonase.
Pamje nga mbishkrimet raciste në lagjet e shqiptarëve të Manastirit
Përgatiti: AlpeNews.al
