Kreu i PD-së, Lulzim Basha nga foltorja e ngritur para zyrës së kryeministrit Rama ka lëshuar një mesazh edhe për ambasadorët e huaj, duke u shprehur se Shqipëria sot vetëm demokraci europiane nuk mund të quhet.
Sipas tij, shqiptarëve iu ka arritur thika në palcë nga kjo qeveri dhe opozita e tij s’mund ta pranojë më një situatë të tillë.
“Thika iu ka arritur shqiptarëve në palcë, iu them të huajve se kjo nuk është Shqipëria europiane. Kjo është diktaturë europiane. Ne e refuzojmë, nuk e duam e nuk e duam shqipërinë me standardet e Afrikës e Azisë. Unë jam kryetari i një partie që ka lindur me thirrjen ta bëjmë Shqipërinë si gjithë Europa”,- tha Basha.
