“Telashet” dhe akuzat për ish kryeprokurorin e përgjithshëm Adriatik Llalla duket se nuk kanë të sosur.
Një provë e re është zbuluar nga hetimet e Komisionit të Pavarur të Kualifikimit (KPK), duke ritheksuar edhe njëherë akuzën ndaj tij për “Shpërdorim detyre”.
Shkaku u bë rasti i Prokurores Alma Muça, i cili zbuloi skemën e një loje të pisët institucionale që Llalla përdorte kundër vartësve të tij, për ti mbajtur ata në pasigurinë e emërimit. Por, hetimet e tjera tregojnë se ky nuk ishte i vetmi rast.
Muça tha se nuk kishte bërë raportim për një çështje, pasi nuk e njihte dosjen dhe nuk ishte informuar për të zyrtarisht. Ajo shtoi se nuk kishte komunikuar me ish- prokurorin e Përgjithshëm Adriatik Llalla dhe ritheksoi se në rolin e saj si drejtuese, nuk mund të ndikonte në vendimin e prokurorit të çështjes. Ajo tha se ishte e habitur që ndërsa kishte një njoftim publik për pezullimin e saj nga detyra, të bërë në media nga Adriatik Llalla, ndërkohë që në të vërtetë ky pezullim nuk kishte ndodhur praktikisht dhe zyrtarisht dhe nuk gjendej asnjë urdhër i tillë në arkivat e Prokurorisë së Përgjithshme.”
Ish kryeprokurori I përgjithshëm me cilësinë e drejtuesit të organit të akuzës, deklaronte publikisht masa ndaj vartësve të cilat në të vërtetë nuk ekzistonin “de juro” në shkresat e institucioneve.
Dyshimi është se këtë praktikë, Adriatik Llalla e përdorte si një mekanizëm shtrëngues ndaj vartësve të tij në këmbim të mbylljes së dosjeve të tij korruptive dhe ato kriminale.
Ky nuk është rasti i parë por prokuorja e solli në vëmëndje.
Katër akuzat që rendojnë mbi Adriatik Llallën: Refuzimit për deklarim, mosdeklarimit, fshehjes ose deklarimi i rremë i pasurise, interesave private të zgjedhur dhe nënpunësve publikë ose i çdo personi tjetër që ka detyrimin ligjor për për deklarim”, “Mosdeklarimit të shumave të të hollave ne kufi”, “Pastrimit të produkteve të veprës penale“ dhe “Shpërdorimit të detyrës”.
Përgatiti: AlpeNews.al