Pas skandalit se si vëllai i ish-presidentit Nishani kishte zaptuar ish mensën e “Qytetit Studenti”, duke i kthyer në lloto dhe call center-a, të tjera fakte dalin në dritë se si zyrtarë të lartë të PD-së kanë përvetësuar hapësira të tjera të studentëve në kohën e qeverisë “Berisha”.
Një prej tyre është edhe Edison Çela, kryetar i PD në njësinë nr. 2 në Tiranë, i cili është pronar i godinës që dikur ka funksionuar për studentët. Por ndërsa PD dhe militantët e saj po “vajtojnë” kushtet e studentëve duke tentuar politizimin e saj, realiteti tregon krejt të kundërtën. Në një kohë që qeveria ka nisur rehabilitimin e gjithë “Qytetit Studenti, duket se halli i tyre i vetëm është ruajtja e pronave, që do të duhet të ishin pronë e studentëve dhe jo e zyrtarëve të lartë të PD. Mensa fillimisht është privatizuar në emër të ish-pronarëve, me një sipërfaqe ndërtimore 3280.32 m2 dhe truall jashtë objektit 3 517 m2. Më pas, i gjithë objekti i është shitur Edison Çelës, kryetar i PD në Njësinë nr, shkruan Tiranapost.
2. Rezulton se blerësi ka depozituar në bankën Raiffeinsen shumën 62 350 000 lekë në bono privatizimi, ndërsa pranë bankës VENETO është paguar shuma prej 24 838 106 lekë për truallin, një shumë qesharake kjo për një nga zonat më të lakmuara në kryeqytet. Gjithçka ka nisur në vitin 2008 kur PD ka qenë në pushtet dhe Edison Çela kishte një pushtet të konsiderueshëm në Njësinë 2, ku përfshihet edhe “Qyteti Studenti”, duke përfituar nga përkatësia e tij partiake. Rasti i Edison Çelës pasohet nga një tjetër emër i njohur për publikun, djali i Azem Hajdarit, Kiri Hajdari, i cili deri para pak kohësh rezultonte të ishte pronar i një prej lokaleve më të njohura në zonën e “Qytetit Studenti”, “Blue Caffe”, e privatizuar që në vitet ’90. Më pas kjo kafene është shitur dhe sot ekziston ende, por me emër të ndryshuar në “Momo Lounge”.
