Tre konferenca në qarkun kohor brenda pesë ditëve i ka mbajtur presidenti Hashim Thaçi që prej kthimit nga Brukseli, ku zhvilloi një takim të shkurtër, por siç e ka përshkruar “të rëndë”, me homologun serb, Aleksandër Vuçiq.
Në dy konferenca për media dhe një bashkëbisedim me studentë, temë primare ka qenë faza finale e dialogut me fqinjin verior.
Thaçi ka përmendur edhe kompromiset e dhimbshme që duhet bërë Kosova, si parakusht për arritjen e një marrëveshjeje përfundimtare me Serbinë, por pa specifikuar se cilat janë ato. Thaçi e ka hedhur topin tek të tjerët, duke thënë se temat sikurse ndarja apo shkëmbimi i territoreve po mbahen në axhendë prej atyre që nuk janë duke i përmbushur obligimet kushtetuese.
Njohës të rrethanave kanë thënë se presidenti me paraqitjet e shpeshta po mundohet ta përgatitë terrenin për “kompromiset e dhimbshme”.
