Presidenti i Kosovës, Hashim Thaçi, është i bindur se kosovarët do të lëvizin pa viza këtë vit. Ai është shprehur se me ratifikimin e demarkacionit Kosova ka plotësuar kushtet për lëvizjen e lirë, raporton ‘zeri’.
“Është radha e Bashkimit Europian që sa më shpejt të përmbyllin procedurat e nevojshme që të ndodh liberalizimi i vizave. Unë them lirisht se liberalizimi i vizave për Kosovën do të ndodh brenda këtij viti. Mund të ndodh në vjeshtën e hershme”
Hashim Thaçi, President i Kosovës
Thaçi komentet i bëri pas takimit me komisionarin europian për Fqinjësi dhe zgjerim, Johannes Hahn. Thaçi pak më parë ka zhvilluar takim me përfaqësuesen e lartë të BE-së në Bruksel para se të nis takimi i përbashkët me Vuçiç.
