Muaji i Tetorit ose ndryshe i quajtur “Tetori Rozë” nënkupton fillimin e Muajit të Ndërgjegjësimit të Kancerit të Gjirit.
Muaji i Vetëdijësimit të Kancerit të Gjirit, i shënuar në vende të botës çdo tetor, ndihmon në rritjen e vëmendjes dhe mbështetjes për vetëdijen, zbulimin dhe trajtimin e hershëm, si dhe kujdesin për këtë sëmundje.
Pink Breast Cancer Awareness Ribbon
Mjekja onkologe Esmeralda Sera në një intervistë për AlpeNews.al tregon disa nga faktorët që nuk duhen nënvlerësuar si dhe ka një apel për të gjitha gratë.
Intervista e plotë:
Sa i përhapur është kanceri i gjirit në vendin tonë?
Në vendin tonë nuk kemi statistika të sakta përsa i përket statisikave të kancerit të gjirit, por në nivel botëror 1 në 8 gra janë të prekura nga kjo semundje, numër që pritet të jetë në rritje.
Cilat janë disa nga shenjat e kancerit në gji?
Tashmë moshat e prekura nga kanceri i gjitit mund të jene mjaft të reja.
Më para moshat e prekura ishin mbi 60 vjeç. Me të rrezikuara janë femrat që kanë patur menstruacione të hershme, ato që kanë lindur në moshë të madhe si dhe femrat që futen në menopauze në moshe te madhe. Gjithashtu dhe përdorimi i hormoneve rrit rrezikun e semundjes.
Si zbulohet kanceri i gjirit?
Mënyra më e mirë që të zbulohet kanceri i gjirit janë kontrollet rutine me eko gjiri ose mamografi në varësi të moshës apo faktoreve të rrezikut që kanë femrat, sidomos ato që kanë trashëgimi familjare.
Çfarë mund të themi për mamografinë në vendin tonë?
Në vendin tonë së fundmi vërehet një ndergjegjesim i grave përsa i perket kësaj semundje dhe pasojave të saj. Këtë fakt e tregon dhe praktika jonë e perditeshme ku paraqiten gjithmonë e më shumë gra që interesohen dhe kontollohen përsa i perket shendetit dhe gjirit të tyre.
Tetori është muaji i ndërgjegjësimit për kancerin e gjirit. Një mesazh që do donit ti jepni të gjitha grave…
Së fundmi do ti thoja të gjitha grave që mos të nenvleftesojnë asnjë shenjë që gjoksi i tyre paraqet dhe që nuk është e zakonshme për to. Një kontroll tek mjeku shpëton jetën. Pra informimi duhet të vazhdoje dhe gratë duhet të ndergjegjesohen gjithmonë e më shumë.
Përgatiti: AlpeNews.al
