Nga e hëna në Shqipëri do të nisin testet e shpejta. Mjekja Silva Bino thotë se këto teste do t’i ndihmojnë shumë në identifikimin e rasteve.
Sipas saj, ky test është shumë specifik dhe nëse del pozitiv, nuk është e nevojshme të përsëritet testi me PCR.
“Ky test mund të përdoret edhe gjatë surveiancës. Ajo që është e rëndësishme është që testi është specifik, gati 100% , gjë e cila e barazon atë me PCR dhe nuk ka nevojë për përsiatjen e tij. Pra nëse testi është pozitiv, ai është me të vërtetë pozitiv. Na jep rezultate në kohë reale. Përgjigjja merret brenda 30 minutave dhe kjo është një lehtësi e madhe për ti dhënë përgjigje personit, por edhe për të lehtësuar hetimin epidemilogjik në kohë reale. Ky test na lejon të përmirësojmë disa elementë të punës tonë në terren. Po kryhen trajnime në lidhje me testin. Është një test që njihet nga OBSH”, tha Bino.
