Epidemiologu Dritan Ulqinaku ditën e sotme ka folur për situatën e pandemisë në vendin tonë.
Në një intervistë për ‘abc e mëngjesit’ ai ka treguar edhe se kur do të përdoren testet e shpejta.
“Testet e shpejta do të përdoren për t’i vënë në qarkullim këtyre personave që jetojnë në kolektiva dhe për të parë sa mund të bëjë të mundur uljen e infektueshmërisë tek personat asimptomatikë. Është shpejt për të thënë për t’u rritur numri,” tha Ulqinaku.
Në pyetjen nëse do të ketë shtrëngim të masave, ai është shprehur se ditët e fundit ka një trend jo rritës të të infektuarve dhe nëse vazhdon kështu nuk do të ketë masa, në të kundër do të ketë masa të reja anti-Covid për të parandaluar përhapjen e virusit.
“Ne kemi rreth një javë që jemi në një trend jo rritës, të stabilizuar dhe kjo vihet re jo vetëm tek numri i të infektuarve por dhe tek i shtrimeve. Nëse ky trend do të vazhdojë kështu ose të ketë një tendencë të vogël uljeje, në të kundërt do të ketë masa të reja shtrënguese”, shtoi ndër të tjera epidemiologu.
