Një furgon ka hyrë mes turmës së këmbësorëve në qytetin e Münster, në Gjermaninë Perëndimore.
Policia lokale deri tani ka konfirmuar se janë 3 të vdekur dhe dhjetra të plagosur, por nuk ka ende shifra të sakta.
BBC raporton duke cituar një zëdhënëse të policisë se ka “disa të vdekur, ndoshta duke përfshirë edhe autorin e dyshuar”.
Autoritetet lokale kanë thënë se rreth 30 vetë u plagosën në incidentin e rëndë, pranë statujës së Kiepenkerlit.
Policia ka kërkuar nga njerëzit që ndodhen aty për të shmangur kalimi në zonë dhe të largohen menjëherë në një vend të sigurt.
Policia tha se shoferi i furgonit që shkaktoi kasaphanën kishte vrarë veten, raportoi agjensia gjermane e lajmeve “dpa”.
Sakaq, një burim sigurie i tha “Reuters”: “Skenari është i tillë që një sulm terrorist nuk mund të përjashtohet.”
