Kryeministri Rama, përmes një postimi në Twitter, ka shprehur solidaritetin me homologun kroat dhe me kreun e shtetit atje për tërmetin e fuqishëm që ka goditur sot zonën e Petrinjas në Kroaci.
Rama shkruan se Shqipëria është pranë me zemër dhe do të japë ndihmën e saj modeste.
“U kam përcjellë sot shprehjen e solidaritetit vëllazëror Presidentit Milanoviç dhe kryeministrit Plenkoviç, për fatkeqësinë mbi qytetin Petrinja! Shqipëria i është pranë me zemër Kroacisë mike e do të japë ndihmën e saj modeste për shërimin e plagës së hapur nga tërmeti i fortë”, shkruan Rama.
