Vetëm pak orë më parë një tërmet i fuqishëm me magnitudë 6.2 i shkallës Rihter tronditi zonën e Petrinjas në Kroaci. Konkretisht lëkundjet e tërmetit u ndjenë 46 kilometra larg nga Zagrebi dhe nëntë kilometra në perëndim, në jugperëndim të Sisak.
Sipas të dhënave paraprake tërmeti solli dëme të konsiderueshme në materiale, prishje të një kopshti fëmijësh si dhe një viktimë e cila ishte një vajzë 13-vjeçare.
Në një prononcim për mediat Kroate, një dëshmitar i identifikuar si Dinko Radu?evi rrëfen momentet prekëse të tragjedisë, Ai shprehet se e njihte dhe viktimën dhe se vajza sapo kishte mbushur 13-vjec, pasi sipas dëshmitarit ajo para 5 ditësh kishte festuar ditëlindjen.
Qytetari thotë në ndërtesën ku ndodhej vajza kishte shkuar për të gjetur fëmijën e tij, teksa kishte parë që 13-vjeçarja ndodhej në gjendje të rëndë. Ai shton se pasi kishte parë vajzën ka njoftuar ambulancën dhe kanë pritur 40 minuta për ndihmën e shpejtë. Me dhimbje, ai deklaron se vajza qëndroi për 40 minuta në krahët e tij dhe më pas vajza nuk ka mundur të mbijetojë dhe ka humbur jetën në kraharorin e dëshmitarit.
