Në fjalën e tij në mbledhjen e qeverisë, kryeministri Edi Rama ka premtuar pension special për të gjithë të moshuarit e prekur nga tërmeti dhe bursë për 6 fëmijët e mbetur jetim në Kosovë. Të miturit humbën prindërit e tyre në rrënojat e një hoteli në Durrës, ku dy vëllezërit nga Gjilani kishin ardhur për të punuar. Ndër të tjera Rama kishte një mesazh edhe për opozitën.
Mos harroni se janë edhe dy familje në Kosovë që duhen kontaktuar, ndërkohë që fëmijët duhet të marrin bursën që do ta kenë deri në fund të shkollimit të tyre. Ndërkohë që për pensionistët, do të marrin atë të posaçmin bashkë me muajin nëntor. Më mundon pak skepticizvmi dhe ngurrimi i opozitës për të pasur përfaqësuesit e saj në këtë rrjet. Nuk e kuptoj dot këtët qasje. Është koha që të reflektohet. Kjo nuk është as politikë. Politika ka lindur për këtë që njerëzit të adresojnë sfida dhe probleme, është instrumet për të bërë mrekullira.
Nga ana tjetër nuk e kuptoj dot çfarë do me thënë që të ulen me një tryezë quhet propagandë. Të lësh njerëzit në pasiguri kur ke mundësi të bësh më shumë. S’kam nge për polemika, I bën thirrje Lulzim Bashës dhe opozitës që të mos ia kursejë popullit këtë nevojë. Është nevoja e njerëzve që të shohin burim energjisë pozitive. Kështu që thirrja ime edhe njëherë është të mos humbasim kohë dhe të mos ua kursejmë njerëzve këtë kërkesë natyrale. E kam parë dhe e kam përshëndetur me respekt mesazhin e kryetarit të opozitës për bashkim. Duhen edhe aktet jo vetëm fjalët. Dua të besoj që mesazhi ka qënë i ndjerë dhe i sinqertë se njerëz jemi të gjithë. Edhe nga ana tjetër e barrikadës njerëz janë jo monstra. Më vjen keq për rolin e mediave në këtë proces dhe klimën acaruese që krijojnë në mjediset e debateve tha kryeministri Rama.
