TËRMETI SHKATËRRIMTAR NË TURQI/ Rama: E trishtueshme fatkeqësia që ra mbi ta, i lutemi Zotit t’iu jap forcë për të përballuar tragjedinë

25 January, 2020 k.autor Breaking News, Politikë

Politikanë shqiptarë kanë shprehur ngushëllimet e tyre për humbjet e jetëve që shkaktoi tërmeti i mbrëmjes së djeshme në Elazig të Turqisë.

Tërmeti me magnitudë 6.8 dhe thellësi 6.7 km përveç viktimave la pas shumë godina të shkatërruara dhe mijëra persona të lënduar.

Ky nuk është tërmeti i parë që godet Turqinë, pasi një tjetër tërmet i fuqishëm me magnitudë 6.0 goditi provincën Elazig në 2010 duke lënë pas 51 viktima.

Shqipëria ka shprehur solidaritetin për Turqinë, për sa i përket pasojave të rënda pas tërmetit të mbrëmjes së djeshme në Elazig. Kryeministri Edi Rama ka reaguar përsa i përket tërmetit 6.8 ballë që goditi Turqinë mbrëmjen e sotme duke e quajtur ngjarjen trishtuese. Përmes një mesazhi në Twitter, Rama shpreh mbështetjen e tij ndaj popullit turk në këto momente të vështira.“Shumë e trishtueshme fatkeqësia që ra mbi Turqinë mike prej një tërmeti të rëndë, ku janë shënuar edhe jetë të humbura! I jemi pranë popullit turk dhe lutemi që Zoti t’u japë autoriteteve të vendit dhe Presidentit Erdogan të gjithë forcën për ta përballuar këtë tragjedi”, shkruan Rama.