Këshilli i Ministrave ka miratuar në mbledhjen e djeshme shtatë zona të reja për zhvillim, rindërtimin e banesave pas tërmetit tragjik të 26 Nëntorit. Zonat e reja për zhvillim janë miratuar; 2 në Durrës, një në Kavajë, një në Krujë, 2 në Lezhë dhe një në Vorë
Zonat e reja të shpallura për zhvillim për rindërtimin pas tërmetit:
Durrës – zona 2
Durrës – zona 3
Kavajë – Golem
Krujë – zona 1
Lezhë – zona 1
Lezhë – zona 2
Vorë – Marikaj
Qeveria ka ngarkuar Fondin Shqiptar të Zhvillimit për këto zona, si njësi zbatuese për ndërtimin e banesave të reja ose të ndërtesave publike të dëmtuara, ndërtimin e rikonstruksionin e infrastrukturës publike dhe kritike, realizimin e ndërtimeve në këtë zonë dhe çdo ndërhyrje tjetër në funksion të rindërtimit.
Këshilli i Ministrave ka ngarkuar ministrin e Shtetit për Rindërtimin, Fondin Shqiptar të Zhvillimit dhe Agjencinë Kombëtare të Planifikimit të Territorit për zbatimin e vendimeve. Në 31 Janar ministri për Rindërtimin Arben Ahemtaj deklaroi se janë 18 zona ku do të ndërtohet pas tërmetit tragjik.
