Teksa po mbushen dy javë nga tërmeti shkatërrues, ekipet e kërkim shpëtimit vijojnë të bëjnë mrekulli poshtë rrënojave të ndërtesave dhe pallateve të shembura. Sipas mediave vendase, një burrë u nxor i gjallë pasi ishte bllokuar poshtë gërmadhave për më shumë se 278 orë.
Në media janë publikuar momentet e këtij aksioni që rezultoi me fat për qytetarin nga Turqia. Ai u dërgua menjëherë në spital për trajtim mjekësor të specializuar. Turqia dhe Siria me 6 shkurt u goditën nga tërmeti shkatërrues, si pasojë e të cilit 46 mijë persona humbën jetën.
