Kryetari i Bashkisë Durrës, Vangjush Dako, në një lidhje telefonike ka thënë se nga verifikimet e deritanishme, në Durrës nuk raportohet të ketë dëmtime.
Në Hamallaj nuk kemi dëme të evidentuara. Kemi kontaktuar me qytetarë të thjeshtë dhe administratorin, por s’rezulton të ketë patur dëme në shtëpitë e tyre. Kemi mbledhur shtabin e Emergjencave.
Është shumë shpejt të flasim për dëme të evidentuara nga njerëzit tanë. Jemi në gatishmëri. Shtabi i Emergjencës është mbledhur në Durrës.
