Një tërmet i fuqishëm ka goditur një destinacion popullor turistik në Indonezi, duke vrarë të paktën 10 vetë.
Tërmeti me magnitude 6.4 goditi ishullin qendror indonezian të Lombokut para orës 07:00 lokale (00:00 GMT) të dielën.
Ishulli tërheq turistë nga e gjithë bota dhe ndodhet rreth 40 km në lindje të Bali.
Studimi Gjeologjik i SHBA-së njoftoi se epiqendra e tërmetit ishte 50 km në verilindje të qytetit të Mataram, në Lombokun e veriut.
Ai u pasua nga më shumë se 60 tërmete më të vogla, ku më i madhi prej të cilëve ishte me magnitudë 5.7
Zëdhënënsi i agjensisë së fatkeqësive natyrore Sutopo Purwo Nugroho deklaroi në një njoftim zyrtar se rreth 40 persona janë të lënduar dhe me dhjetra shtëpi janë dëmtuar si pasojë e këtij tërmeti
“Ne vlerësojmë se numri do të vazhdojë të rritet, sepse nuk jemi duke mbledhur të dhëna,” shtoi ai.
“Fokusi kryesor tani është evakuimi dhe shpëtimi.
Disa nga të plagosurit ende janë duke u trajtuar në klinika.”
