Pas një trupi që u gjet mbrëmjen e djeshme në Rodos, dy trupa të tjerë janë gjetur sot pranë këtyre brigjeve. Dyshohet se viktimat janë emigrantë dhe janë mbytur në tentativë për të kaluar ilegalisht kufijtë.
Gjatë 24 orëve të fundit tre trupa të pajetë janë gjetur në plazhet e Rodosit në Greqi. Pas trupi të parë të gjetur ditën e shtunë pasdite në brigjet mes Afandou dhe Kolymbias edhe dy trupa të tjerë janë gjetur mëngjesin e sotëm. Sipas Radiaki.gr dy trupat e tjerë janë gjetur njëri në Glystra Afandou ndërsa tjetri në Faliraki pranë hotelit Pegasus.
Dyshohet se tre personat e mbytur janë emigrantë, ku njerit prej tyre i është gjetur edhe një kartë telefonike turke. Viktima që u gjet këtë mëngjes në Faliraki kishte veshur një xhaketë të zezë dhe një kostum të zi, ndërsa trupi i gjetur dje ishte rreth 1.80 metra fizik normal, veshur pantallona të zeza , rrip të zi, këpucë të zeza sportive, këmishë të bardhë. Hetimet po kryhen nga Autoriteti Qendror i Portit të Rodosit, ndërsa trupat e tyre do të transferohen për shqyrtim nga mjeku ligjor.
