Një ngjarje e rëndë ka ndodhur mbrembjen e djeshme në Fier ku një 42 vjeçare veçse ka djegur shtëpinë e bashkëshoritit, ka tentuar edhe të mbysë në lumë dy vajzat e mitura.
Fatmirësisht, tragjedia është shmangur në kohë. E megjithatë, jo në të gjitha rastet ka ndodhur kështu.
Pak kohë më parë, në Kurbin nëna vrau me armë vajzën e saj 15 vjeçe pasi nuk e lejoi t ikte në eskursion. Kujtojmë këtu edhe tragjedinë në Itali, ku nëna e cila ishte në depresion, vrau tre vajzat e saj.
Fier, djeg shtëpinë e burrit dhe tenton të mbysë vajzat
Një 42-vjeçare në Fier për pak sa nuk ka ka shkaktuar një tjetër tragjedi familjare, duke tentuar të mbysë 2 vajzat e saj të mitura pasi ka djegur banesën e bashkëjetuesit të saj.
Ajo ka tentuar të vrasë dy vajzat e saj të mitura binjake 6 vjeçe duke tentuar t’i mbyste ato në ujrat e lumit Seman në afërsi të urës së fshatit Daullas, Fier.
Gjithashtu Rudina Kishta ka djegur me zjarr banesën e bashkëjetuesit të saj në fshatin Grecalli, shtetasit Ardian Gjika, 47 vjeç.
Kurbin, zënka për eskursionin çon në tragjedi
Ngjarja ka ndodhur në fshatin Fushë e Kuqe në Kurbin. Një grua ka vrarë vajzën e vet 15-vjeçare dhe më pas është vetëvrarë.
Sipas policisë, viktimat janë Mimoza dhe vajza e saj Sara Keçi.
Nënë e bijë janë grindur ashpër për një ekskursion që organizonte shkolla e 15-vjeçares. Vajza ka kërkuar të shkonte në këtë ekskursion, por nëna nuk e ka lënë.
Për këtë arsye, vajza dyshohet se ka tentuar të largohet pa lejen e nënës.
Kjo e fundit ka reaguar ashpër, duke marrë një armë që ndodhej në shtëpi dhe duke qëlluar mbi vajzën. Në momentin e krimit të rëndë, nënë e bijë kanë qenë vetëm.
E rëndë, shqiptarja vret tre vajzat në Itali
Ngjarja e rëndë ka ndodhur në banesën e Edlira Dobrushit, në periferi të Leço-s në Itali. Krimi ka ndodhur rreth orës 06:30 të mëngjesit, ndërsa mësohet se autoritetet italiane u njoftuan për krimin nga fqinjët e familjes shqiptare, të cilët kishin dëgjuar thirrjet e njërës prej vajzave për ndihmë, teksa përpiqej t’i shmangej përpjekjeve të nënës së saj për ta qëlluar me thikë.
Edlira Dobrushi
Kur mbërritën në apartamentin e vogël ku jetonte gruaja e divorcuar, karabinierët u përballën me një skenë horror, pasi gjithçka ishte mbuluar në gjak, ndërsa 38-vjeçarja, me plagë në duar e qafë, në gjendje shoku, ishte shtrirë përpara portës së banesës. Ndërkohë vajzat e mitura u gjetën pajeta në një krevat, ku i kishte vendosur gruaja, pasi kishte kryer krimin.
Përgatiti: AlpeNews.al
