Një 40-vjeçari, i shpallur në kërkim ndërkombëtare është ekstraduar ditën e sotme nga Shtetet e Bashkuara të Amerikës drejt Shqipërisë.
Mësohet se Lulzim Sinaj, i dënuar nga gjykata e Fierit në mungesë me 25 vite burg, është arrestuar në Nju Jork, ndërsa akuzohet për veprat penale “Vrasja në rrethana të tjera cilësuese”, kundër dy ose më shumë personave, mbetur në tentativë, dhe “Prodhimi dhe mbajtja pa leje e armëve luftarake dhe e municionit”
Në Mars të vitit 2017, Sinaj plagosi rëndë me armë zjarri prindërit e ish-bashkëshortes së tij, Edmond e Ludmilla Xhaferraj, përkatësisht 53 dhe 52 vjeç. Ai fajësonte ish-vjehrrit për ndarjen nga ish-gruaja dhe kjo ishte bërë shkak për konflikte të vazhdueshme mes tyre.
