Një 31-vjeçar ka rënë në prangat e policisë, pasi tentoi që të korruptonte policin për mos t’i vënë gjobë. Burime zyrtare nga policia e Tiranës bënë me dije se shtetasi me inicialet G.T., ka kaluar vazhduar lëvizjen, ndonëse sinjalizimi i semaforit e ndalon atë.
Gjatë kryerjes së veprimeve policore dhe administrative, drejtuesi i automjetit, i ka ofruar agjentit verifikues një kartmonedhë prerje 5000 lekë, me qëllim shmangien e masës administrative.
Në këto kushte, është bërë menjëherë arrestimi në flagrancë i shtetasit me iniciale G. T, për veprën penale “Korrupsionit aktiv ndaj personave që ushtrojnë funksione publike”.
