Goditet një rast i tentativës për trafikim të lëndëve narkotike, ku janë sekuestruar 27 kg kanabis dhe janë arrestuar dy persona. Të arrestuarit janë; E. J. 38 vjeç, banues në Tiranë dhe F. D. 32 vjeçe, banuese në Belsh.
Policia thotë se si rezultat i veprimeve të shpejta u bë e mundur që në një nga rrugicat e qytetit të Vlorës të lokalizohej automjeti i dyshuar se mund të transportonte lëndë narkotike dhe në kohë u bë kapja.
Gjatë kontrollit të ushtruar në automjetin tip “Voslkëagen” me drejtues E. J. dhe pasagjere F. D. policia gjeti në bagazh dhe sekuestroi rreth 27 kg lëndë narkotike kanabis, të cilën do ta transportonin drejt Tiranës, me qëllim shitjen dhe shpërndarjen e saj.
Materialet procedurale do t’i kalojnë Prokurorisë së Vlorës, në ngarkim të shtetasve E. J. Dhe F. D., për veprime të mëtejshme hetimore, për veprën penale “Prodhimi dhe shitja e narkotikëve”, e kryer në bashkëpunim.
