Një tentativë vjedhjeje me armë u regjistrua mbrëmjen e kaluar në fshatin Hadëraj të Vlorës. Sipas burimeve zyrtare nga policia e Vlorës, mbrëmjen e kaluar rreth orës 20:00, në fshatin Hadëraj, Selenicë, dy persona kanë tentuar të vjedhin me armë në banesën e shtetasit Fidel Çaushaj, por nuk kanë mundur, pasi janë diktuar nga të zotët e banesës dhe janë larguar me një automjet “Benz”.
Autorët ishin të maskuar me veshje policie. Pasi janë futur në banesën e shtetasit Fidel Caushaj me qëllim grabitjen, ata i kanë vendosur prangat, dhe kanë dhunuar të zotin e shtëpisë.
Ndërsa kanë vënë re se banesës i janë afruar familjarët të Fidelit, ata janë larguar me makinën tip benz duke qëlluar me armë nëa jër për t’i trembur. Autorët janë ndjekur nga djali i të dhunuarit, ndërsa kanë përfunduar në greminë. Gazetari Mehmeti ka siguruar fotot të makinës së autorëve tip benz me targa VL 55 12 C, pas aksidentit.
