Presidenti i Turqisë, Recep Tayyip Erdoğan, në një bisedë telefonike me homologun e tij amerikan, Donald Trump, ka propozuar krijimin e një grupi punues lidhur me furnizimin e sistemit të mbrojtjes ajrore S-400, transmeton Anadolu Agency (AA).
Washingtoni pengon blerjen e sistemit S-400 nga Turqia.
Zyrtarët e SHBA-ve kanë sugjeruar që Turqia të blejë sistemin e raketave Patriot të SHBA-ve në vend të atij rus S-400, duke argumentuar se ky i fundit është i papajtueshëm me sistemet e NATO-s.
Turqia është përgjigjur se ishte SHBA ajo që refuzoi blerjen e sistemit Patriot, gjë që e detyroi të kërkonte shitës tjerë, pas së cilës Rusia i ofroi një marrëveshje më të mirë duke përfshirë transferimet e teknologjisë.
Sipas presidencës turke, çështjet bilaterale dhe rajonale po ashtu ishin temë të bisedës telefonike midis dy presidentëve.
Presidenca turke bëri të ditur se Erdoğan dhe Trump shkëmbyen mendime mbi zhvillimet e fundit në Siri dhe ranë dakord të vazhdojnë bashkëpunimin në luftën kundër terrorizmit.
Krerët e dy vendeve po ashtu përsëritën qëllimin për arritjen e vëllimin tregtar prej 75 miliardë dollarësh.
