Kina ka hedhur poshtë akuzat e Kanadasë se ajo po aplikon në mënyrë arbitrare një dënim me vdekje një qytetar kanadez për trafik droge.
Ministria e jashtme e Kinës paralajmëroi kryeministrin kanadez Justin Trudeau që të “ndalonte të bënte vërejtje të tilla të papërgjegjshme“, duke akuzuar Kanadanë për “standarde të dyfishta“.
Robert Lloyd Schellenberg fillimisht iu dha një dënim 15 vjeçar në nëntor.
Por të hënën një gjykatë e rriti këtë dënim duke vendosur një dënim me vdekje, me pretendimin se vendimi i parë ishte shumë i butë.
Vendimi ka të ngjarë të përkeqësojë marrëdhëniet diplomatike mes vendeve, e cili është duke u përshkallëzuar që kur Kanadaja arrestoi një finaciere të Huawei muajin e kaluar.
Kina ka shprehur zemërimin për arrestimin e Meng Wanzhou, vajza e themeluesit të Huawei, me dyshimin për përdorimin e një kompanie tjetër për të shmangur sanksionet e Shteteve të Bashkuara kundër Iranit midis viteve 2009 dhe 2014.
Ajo u arrestua me kërkesë të Shteteve të Bashkuara.
Meng, 46 vjeç, mohon akuzat, por ajo u lirua me kusht menjëherë pas arrestimit të saj, por mbetet nën mbikëqyrje të vazhdueshme dhe duhet të mbajë një byrzylyk elektronikë në kyçin e këmbës.
Duke mohuar se Pekini kishte politizuar rastin e Schellenberg në përgjigje të arrestimit të zonjës Meng, zëdhënësja e ministrisë së jashtme kineze Hua Chunying i kërkoi Kanadasë të “respektojë sovranitetin gjyqësor të Kinës”.
“Komentet e qeverisë kanadeze janë plot standarde të dyfishta,” tha Hua, duke shtuar: “Kanadezët janë ata që kanë arrestuar arbitrarisht dikë”, në një referencë të dukshme ndaj zonjës Meng.
36-vjeçari, u arrestua në vitin 2014 dhe u akuzua se po planifikonte të trafikonte 227 kg metamfetaminë nga Kina në Australi.
Schellenberg, i cili ka dënime të mëparshme lidhur trafikun e drogës në Kanada, ka mohuar akuzat kundër tij, duke thënë se ai hyri në Kinë si një turist.
Trudeau e ka dënuar vendimin e fundit, duke thënë se: “Është shqetësuese për ne … se Kina ka vendosur të nisë arbitrarisht zbatimin e dënimit me vdekje“.
Asnjë shenjë për shkrirjen e marrëdhënieve të tensionuara
Është e vështirë të shihet se si marrëdhëniet Kanada-Kinë mund të përkeqësohen më tej, por, duke pasur parasysh ngjarjet e fundit, është plotësisht e mundshme.
Justin Trudeau flet për natyrën “arbitrare” të vendimit për dënimin me vdekje për Robert Shellenberg dhe ministria e jashtme kineze e ironizon atë, duke pyetur nëse ai ka lexuar dokumentet e gjykatës.
Hua, tha se: “Ai ishte i përfshirë në kontrabandën e drogës … faktet janë të qarta, dëshmia është e fortë“. Ajo tha se “qeveria kanadeze duhet t’u kujtojë qytetarëve të saj që të mos merren me trafikun e drogës“.
Që nga vendimi i Schellenberg, Kanadaja ka përditësuar këshillat për qytetarët e saj gjatë udhëtimit në Kinë, duke u bërë thirrje qytetarëve që të ushtrojnë një shkallë të lartë të kujdesit për shkak të rrezikut të zbatimit arbitrar të ligjeve vendore. Hua u përgjigj: “Kina është e sigurt për sa kohë që kanadezët dhe të tjerët respektojnë ligjet kineze”.
Megjithatë, Pekini gjithashtu ka lëshuar paralajmërimin e vet të udhëtimit me sa duket në hakmarrje duke u bërë thirrje popullit kinez që të “vlerësojë plotësisht rreziqet e udhëtimit në Kanada“.
Një mënyrë për Kanadanë për të dalë nga brigjet do të ishte thjesht të shpellonte dhe të lejohej që Meng Wanzhou të largohej dhe të përballonte ekstradimin në SHBA. Por nuk ka treguar asnjë shenjë se kjo është edhe një opsion.