Pikturoni në mendjen tuaj tavanet e larta të kapelës Sistinë, mermerin e bardhë të Taj Mahalit, apo tempujt e skalitur të Angkor Vat. Pavarësisht se mishërojnë periudha të ndryshme të historisë, dhe qasje të ndryshme në raport me kultura shumë të dallueshme mes tyre, këto ikona kanë një gjë të përbashkët – aftësinë për të na lënë të shastisur.
“Mënyra sesi projektohet një hapësirë është e lidhur me ndjesinë e lartësisë”,- thotë Vitorio Galeze, profesor i fiziologjisë në Universitetin e Parmës në Itali, që shqyrton lidhjet midis trurit të një personi dhe mjedisit përreth tij. Kjo aftësi për të ndjellë emocion dhe soditje, është e zakonshme për shumë nga mrekullitë arkitektonike të botës.