Shteti më i populluar në Australi, Uellsi i Ri Jugor po përballet me një thatësirë të plotë, kanë konfirmuar zyrtarët. Dimri pa reshje ka shpejtuar atë që është cilësuar si thatësia më e madhe që ka ekzistuar ndonjëherë në disa rajone në lindje të Australisë.
Ky vend siguron rreth një të katërtën e prodhimit bujqësor, mirëpo ditën e sotme është listuar në mesin e vendeve me thatësi 100 përqind. Qeveria shtetërore dhe ajo federale kanë ndarë 576 milionë dollarë australianë për shkak të gjendjes së jashtëzakonshme.
“Nuk ka ndonjë person në këtë shtet që nuk ka dëshirë që të ketë shi për bujqit dhe për rajonin”, ka thënë Ministri i Industrisë.
Të dielën kryeministri australian, Malcom Tërnbull ka paralajmëruar se vendi mund të kthehet në një tokë të thatë , “të zhuritur”.
Australia jugore ka regjistruar vjeshtën e dytë më të thatë që kur regjistrimi i të dhënave ka filluar me një mesatare shiu nën 57 mm. Ndërsa muajt në vazhdim priten të jenë më të thatë dhe do të shfaqen probleme në pjesën më të madhe të Kontinentit të Largët.
