Meteorologia Tanja Porja ka zbuluar kushtet e motit për ditën e sotme dhe në vijim.
Porja tha se termometri ditën e sotmeka shënuar një rritje të lehtë, por sipas saj, temperaturat relativisht të ulëta do të vijojnë, pasi e cilësoi këtë dimër si pranë atij klasik.
Ajo tha gjithashtu se vranësirat do të jenë të pakta, kryesisht në zonat veriore dhe verilindore, duke u shoqëruar me reshje në formën e flokëve të dëborës në këto zona.
Sipas meteorologes, era ditën e sotme do të jetë e fortë, ndërkohë që shtoi se nuk ka vend për alarm gjatë këtyre ditëve, pasi moti do të jetë kryesisht i kthjellët, pavarësisht temperaturave të ulëta.
“Mëngjesi i sotëm ka shënuar një gradë rritje. Termometri ka shënuar -5 gradë në zonat malore. Reshjet janë prezente në orët e para të ditës, kryesisht në skajin verior dhe në verilindje. Vranësirat janë prezente dhe reshjet do të jenë në formën e flokëve të dëborës. Temperaturat do të qëndrojnë në rreth 14 gradë. Sot dhe në vijim nuk ka vend për alarm.
Vërtet kemi temperatura në -5 osë -6 gradë celcius, por janë temperature që nuk i kemi hasur në këto 5 apo 7 vitet e fundit. Janë temperatura tipike të dimrit dhe është një dimër shumë pranë dimrave klasik për klimën mesdhetare shqiptare. Era do të jetë e fortë krysisht në zonat veriore, por edhe në zonat qëndrore dhe në jug”, tha meteorologia Porja.
