Kryetarja e LSI-së Monika Kryemadhi thotë se pas shembjes së Teatrit Kombëtar mund të fshehet një plan i errët anti-shqiptar që i ka rrënjët deri në Beograd.
Kryemadhi tha se së bashku me shembjen e Teatrit, jo rastësisht po ndodhin edhe shumë gjëra të tjera në trojet shqiptare, që nga destabilizimi i situatës në Kosovë, deri te ndryshimi i kufijve mes Serbisë dhe Kosovës.
Pjesë nga deklarata e Kryemadhit:
I tha sot Xakja një Petro-Nins i vjetër, që s’ke lexuar dot Çufon.
Jo rastësisht po ndodhin shumë gjëra në Ballkan, jo rastësisht kemi situatën në Kosovë.
Jo rastësisht kemi shqiptarët në Jugun e Serbisë që kanë probleme të mëdha me të drejtat.
Pra jo pa qëllim janë disa lëvizje që kanë filluar duke cënuar kufijtë e Shqipërisë, pra eshtrat e Isa Boletinit shkojnë në Serbi.
Se shkon ky toni me harta. Jo rastësisht janë larguar 600 mijë të rinj dhe të reja në vitet e fundit.
Jo rastësisht, pra çfarë po ndodh? A mos i është kthyer Serbia planit të saj të vitit 1980 për kthimin e tokave shqiptare në toka sllave?
Jo rastësisht ky zotëria ka transformuar totalisht identitetin tonë kombëtar, Butrintin ky do ta mbushë me kioska me qofte.
Teatri Kombëtar, kullat janë paratë e drogës që do të pastrohen, dhe nëpërmjet paratë e drogës blen gojët që dalin për të thënë që të prishet teatri.
Ky zotëria mos kujto se ka hall kullat për veten e tij.
Ky ka hall se u ka marrë paratë paradhënie.
Ky e ka patur në program në 2013-ën rikonstruksionin e plotë të teatrit.
