Në kulmin e debatit për prishjen e Teatrit Kombëtar, dy aktorë të cilet janë edhe pro ndërtimit të Teatrit të ri kanë treguar mbremjen e djeshme një tjetër anë të perplasjes 3 vjeçare me kolegët e tyre artistë.
Bëhet fjalë për Artan Imamin dhe Laert Vasilin. Të dy të ftuar në emisionet e mbremjes u shprehen njëzëri se kane qenë të shumtat rastet kur kanë tentuar të marrin sendet personale dhe pjesetaret e Aleancës per Mbrojtjen e Teatrit nuk i kanë lejuar e madje dhe i kanë kërcënuar.
Për ta ilustruar këtë, ju sjellim nje pjesë nga debati me tone të ashpra midis Artan Imamit dhe Edmond Budinës:
Budina: Teatri Kombëtar është një vlerë kulturore. Nuk i përket as kryeministrit as banorëve të Tiranës. Është Teatri Kombëtar dhe i përket të gjithë Shqipërisë.
Imami: Edmond je një uzurpator.
Budina: Kush jeni ju që më thoni mua jeni uzurpator?
Imami: Unë jam Tan Imami.
Budina: Unë nuk flas me ju. Jeni pjesmarrës në krim. Neve desh na vranë dhe dhunuan.
Imami: Po gënjen. Më ke kërcënuar kur të thashë që do vija të merrja disa rroba të mia.
Budina: Po gënjen ti. Të të vijë turp. Nuk flas me ju.
Nga ana tjetër, edhe Laert Vasili u shpreh në “Opinion” se dhe pse ka tentuar nuk ka mundur ti marrë veshjet dhe sendet personale duke e quajtur Aleancen per mbrojtjen e Teatrit si një grupin njerëzish që e kishin marre peng godinën.
Kujtojmë këtu edhe perplasjen e Vasilit me aktorët e tjerë të Aleancës në dhjetorin e vitit të kaluar, e cila përfundoi në dhunë e ofendime të renda.
AlpeNews.al
