Të tjera detaje zbardhen nga masakra e ndodhur në Shkodër, ku deri tani raportohet për dy viktima dhe dy të plagosur rëndë, që ndodhen në spitalin Rajonal.
Referuar informacioneve zyrtare nga policia, shprehet se një nga viktimat është grua, ndërsa një prej të plagosurve në gjendje të rëndë është Arlind Bushati.
Gruaja që ka humbur jetën nuk ka gjurmë plumbash, por është goditur nga automjeti që ishte objektiv i atentatit, dhe në momentin që është qëlluar mbi të, ka humbur kontrollin, duke goditur gruan dhe bashkëshortin e saj, që udhëtonin me motor.
Referuar informacioneve zyrtare, drejt Shkodrës janë nisur forcat RENEA, ndërsa gruaja që ka humbur jetën është kalimtare e rastit.
Ndërkohë që viktima tjetër është identifikuar si Hamza Lici.
