Policia dhe prokuroria nuk kanë ende një autor të dyshuar lidhur me atentatin e ndodhur në Lundër ku mbetën të plagosur 4 persona, 2 prej të cilëve të mitur.
Për të çuar në identifikimin e atentatorëve, grupi hetimor është përqendruar tek pamjet e kamerave të sigurisë. Burime nga grupi hetimor pohuan për A2 CNN se pas analizimit të tyre është zbuluar se autorët kanë lëvizur po në të njëjtën zonë edhe përgjatë dy ditëve para se të ndodhte atentati.
Kjo ka ngritur dyshimet se objektivi mund të jetë mbajtur në vëzhgim të plotë nga autorët, si dhe zona të studiohej më së miri prej tyre.
Në motorin e përdorur nga autorët e i gjetur i djegur në fshatin Fikas, në Mullet nuk janë përftuar prova që mund të ndihmojë grupin hetimor për shkak se mjeti ishte shkrumbuar i tëri.
