Rezart Kuçi është personi i arrestuar ditën e sotme nga AMP për “Shpërdorimit të detyrës”, “Trafik lëndësh narkotike” dhe “Pjesëmarrje në grup të strukturuar kriminal”.
Kuçi, i cili ishte pjesë e të fortit të Vlorës Ines Hajrulla, është vënë në pranga pranë Drejtorisë së Përgjithshme të Policisë, ndërsa ishte nisur për në Vlorë.
Gazetarja Klodiana Lala raporton se Kuçi është personi i tetë ndaj të cilit ishte caktuar një masë sigurie, por se emri i tij është mbajtur top sekret deri në momentin e arrestimit të tij.
Mësohet se Kuçi kishte postin e shefit të seksionit të policisë shkencore në DVP Kukës.
Më parë ai ka mbajtur postin e Zëvendës Shef Komisariati/Shef për Hetimin e Krimeve në Komisariatin e Policisë Nr.1.
