Zbulohen detaje të tjera nga atentati ku mbeti i vrarë Gilmando Dani dhe u plagos miku i tij Muçi Shaljani Sheqeri.
Burime për gazetarin e Report TV, Sokol Dema bëjnë me dije se autorët e kanë pritur para aeroportit, dhe kanë lëvizur të dy makinat paralel me njëra-tjetrën.
Aty nga makina autorët kanë qëlluar me breshëri plumbash.
Mjeti Benz eci për disa metra dhe ndaloi nga të shtënat.
Në atë moment, një nga autorët, me kapele dhe i maskuar, doli nga makina dhe u afrua duke qëlluar disa herë me pistoletë.
Më pas, u kthye në makinë dhe autorët u larguan drejt Fushë Krujës.
