Delegatët rusë dhe ukrainas janë ulur në një tryezë në Bjellorusi mesditën e së hënës për të arritur një marrëveshje për ndërprerjen e luftës.
Ministri i Jashtëm i Bjellorusisë, Vladimir Makei mirëpriti delegacionet dhe pasi u ulën në tryezë, ai iu drejtua pjesëmarrësve në takim: “Ju mund të ndiheni plotësisht të sigurt këtu”
Pas fjalimit të tij drejtuar zyrtarë të rangut të lartë të dy delegacioneve, mediat u nxorën jashtë.
Ndërsa një person i paidentifikuar dëgjohet në sfond duke thënë: “Unë të thashë ta fikësh, nuk dëgjon?!”, që mesa duket i drejtohet kameramanëve të mediave.
