Zbardhet konflikti i natës së mbrëmshme në Don Bosko që përfundoj me të shtëna me armë. Burime nga Policia e Tiranës thanë se janë konfliktuar daja dhe nipi.
Bledi Zani ishte duke pirë alkool në një lokal në zonën e Don Boskos, kur nipi i tij Juljan Koliqi ka shkuar për ta marrë. Nipi i ka kërkuar dajës që të mos konsumojë më alkool dhe të çohet për të ikur.
Në sherr e sipër daja, ka nxjerrë pistoletën dhe ka kërcënuar nipin. Bledi Zani në një moment ka qëlluar në ajër, ndërkohë që nipi i tij i friksuar është larguar. Policia e Tiranës ka shpallur në kërkim 34-vjeçarin Bledi Zani.
