Një person ka mbetur i plagosur me armë zjarri në Valias të Tiranës mbrëmjen e kësaj të enjteje. I plagosuri, E.B., 50 vjeç, është jashtë rrezikut për jetën, bënë me dije burime zyrtare nga Policia e Tiranës.
“Më datë 25.10.2018, rreth orës 20:07, në Valias të Kamzës është plagosur me armë zjarri në rrethana ende të pa qarta shtetasi E. B., 50 vjeç.
Shtetasi i dëmtuar aktualisht ndodhet në spital jashtë rrezikut për jetën.
Po bëhet krehja e zonës, territorit përreth, si dhe janë ngritur pika kontrolli në akset rrugore dhe hyrje- daljet e kryeqytetit”, njoftoi Policia.
