Një grua është vrarë me armë zjarri, ndërsa dy burra kanë mbetur të plagosur në Britani.
Policia e Londrës njoftoi se ishin telefonuar për të shtëna rreth orës 21:15 të shtunën mbrëma, në rrugën Gifford në Harlesden.
Gruaja, besohet të jetë në të 40-at, ndërsa dy personat e tjerë rreth të 30-ave. Këta të fundit kanë pësuar lëndime nga sulmi me armë. Njëri prej tyre mbetet në gjendje të rënë, ndërsa tjetri është rikuperuar.
Policia ka nisur një hetim për vrasje.
Tony Josephs, nga Njësia e Komandës Veri-Perëndimore që mbulon Brent, tha: “Ky është një incident vërtet tronditës që ka lënë një grua të vdekur dhe dy të tjerë të plagosur, dhe unë e kuptoj shqetësimin që do të shkaktojë në komunitetin lokal dhe në të gjithë Londrën”.
