19-vjeçarët e Real Madridit, të drejtuar nga Guti, do të përballen me rusët e Krasnodar në raundin e play-off të Uefa Youth League më 7 shkurt dhe kjo ndeshje pritet të jetë vërtetë interesante.
Të rinjtë e Real Madridit do të luajnë në Rusi të mërkurën, duke tërhequr aq shumë vëmendje, sa pritet që stadiumi me kapacitet prej 34 mijë vendësh të mbushet plot, duke thyer rekordin e shikueshmërisë së një ndeshjeje të këtij kompeticioni që nga krijimi i tij.
Klubi rus i Krasnodar lajmëroi me anë të një postimi në rrjetin social “Twitter” se deri tani për këtë ndeshje janë shitur 33 mijë bileta, që kushtojnë nga 1.5 euro secila, ndërkohë që stadiumi i Krasnodarit e ka kapacitetin e saktë 33 mijë e 979 vende.
Shikueshmëria më e lartë deri më tani në Uefa Youth League është shënuar në shkurt të vitit 2015, ku 12 mijë e 871 tifozë ndoqën ndeshjen e Anderlehtit vendas përballë Barcelonës në Bruksel. l/