Ndeshja mes Gironës dhe Real Madridit do të zhvillohet ashtu siç është planifikuar, thotë numri një i La Ligas Javier Tebas pasi Katalonja shpalli Pavarësinë.
Kërkesës së Mariano Rajoy drejtuar Senatit për të vendosur kontrollin e drejtpërdrejtë mbi Katalonjën, qeveria rajonale katalanase iu përgjigj me mbledhjen e Parlamentit dhe votimin e fshehtë për deklaratën e Pavarësisë.
Pas diskutimeve që nuk kanë zgjatur shumë, parlamenti katalanas i është drejtuar votimit të fshehtë, nga ku shumica votoi pro shpalljes së njëanshme të pavarësisë.
70 deputetë katalanas votuan pro shpalljes së pavarësisë dhe vetëm 10 prej tyre i thanë jo shkëputjes nga Madridi, ndërkohë që opozita e kishte bojkotuar seancën.
Por, kjo nuk pritet të ndikojë për ndeshjen e klubit katalanas, Gironas me Real Madridin, e planifikuar të zhvillohet të dielën nga ora 16:15.
Është numri një i La Ligas, Javier Tebas, ai që ka konfirmuar për AS se sfida do të zhvillohet ashtu siç është paraparë dhe nuk beson se shpallja e njëanshme e pavarësisë do të paraqesë ndonjë probleme.
Ai ka thënë AS se pret që ndeshja të zhvillohet normalisht dhe se siguria do të jetë në nivelin e duhur.