Gazetari investigativ Artan Hoxha ka zbuluar ditëve të fundit një nga përgjimet që pritet të trondisë politikën shqiptare.
Bëhet fjalë për të ashtuquajturën “Dosja 978”, ku protagonist kryesor është Presidenti i Shqipërisë, Ilir Meta.
Sipas Hoxhës, kur Meta ka qënë kryetar i LSI në datën 22 qershor 2009, dy ditë para zgjedhjeve ka ndodhur edhe ngjarja.
Sipas përgjimeve, të cilat edhe pse janë asgjesuar, disponohen nga gazetari Hoxha, Kastriot Ismailaj ishte kontaktuar nga Ilir Meta, i cili i kishte kërkuar 200 mijë euro.
“Nesër në darkë (më 23 qershor), duhet të takohemi patjetër. Më duhen 200 mijë patjetër. Mos harro”, thuhet në mesazhin dërguar nga numri i Ilir Metës drejt Kastriot Ismailajt.
Skandali thellohet akoma më shumë kur Artan Hoxha thekson faktin se hetimet asokohe janë mbyllur nga kryeprokurori i kohës, Adriatik Lllalla.
Që një lidhje e ngushtë midis Llallës dhe familjes Meta-Kryemadhi egzistonte kjo dihet dhe koha e provat e kanë treguar këtë gjë.
Mjafton të përmendim këtu rastin “flagrant” të goditjes me çizme në Kuvend nga Monika Kryemadhi, pikërisht ditën kur do shkarkohej Adriatik Llalla dhe në krye të Prokurorisë do të vendosej Arta Marku.
Shenjat e nervozismit vijnë natyrshëm pikërisht në momentin kur njeriu që “mbulon” skandalet e familjes e jo vetëm, nuk e mban më atë detyrë.
Kujtojmë këtu se ish Kryeprokurori ka mbyllur apo sorrollatur edhe dosje të tjera të rëndësishme siç ishte ajo e Klement Balilit, dhe ky i lidhur ngushtë me LSI.
Sipas Artan Hoxhës, edhe pse hetimet janë rihapur për këtë dosje në vitin 2015, provat nuk mund të përdoreshin më, pasi përgjimet ishin asgjësuar.
Përgatiti: AlpeNews.al
