Aksidenti i ndodhur dy ditë me parë, kur autobusi i Unazës ra në Lanë pas perplasjes me një automjet, çuditi të madh e të vogël.
Fatmirësisht nuk kishte të lënduar rëndë.
Pikërisht ky fakt, bëri që ai moment të shihet apo trajtohet ndryshe. Disa prej zërave publik, kryesisht artistë, kanë sygjeruar që autobusi të mos zhvendoset por të mbetet aty si një instalacion artistik.
Edhe kryetari i Bashkisë, Erion Veliaj, e ngriti si pyetje në “Twitter”.
E ndërkohë që vendimi pritet, qytetarët i kanë të gjithë sytë aty. Jo vetëm këmbesoret por edhe qytetarët që kalojnë me automjetet e tyre.
Turistët madje, bëjnë edhe shkrepjet e tyre.
AlpeNews.al sjell disa prej pamjeve të kapura sot në vendin e ngjarjes, që siç shihet do kthehet shpejt në atraksion turistik.