Ka nisur sot ne Shqiperi ajo që për shumekend, muaj me parë konsiderohej si e pamundur, vaksinimi masiv.
Me dy stenda të medha te vendosura në sheshin “Skenderbej” ku secila ka 10 pika vaksinimi, prej mengjesit te kësaj te diele qytetaret kanë patur mundesinë të marrin dozen e parë të vaksinës.
Sipas shifrave, deri ne orën 17:00 jane vaksinuar mbi 1500 persona në kryeqytet teksa radha e qytetareve vijon ende.
I pranishem gjate nisjes ka qene edhe kryeministri Rama, i cili ka inspektuar nga afer procesin duke mos harruar te komunikonte edhe me qytetarët, te cilet të shumte në numër, e falenderonin për krijimin e kesaj mundësia ne kohë të veshtira pandemike si këto.
“Qytetarja: E bëra vaksinën, por nuk iki në shtëpi pa të thënë dy fjalë, në momentin e duhur në vendin e duhur Shqipërisë ju gjet njeriu i duhur!
Rama: Po lëri këto…”, ishte nje pjese e dialogut ne stendat e vaksinimit.
Vaksinimi do të vijojë “non stop” dhe njerëzit janë të lirë të zgjedhin të vaksinohen apo jo. Çlirimi i njerëzve nga ky stres është kënaqësia më e madhe për mua që kur kam hyrë në politikë”, tha Rama.
Nga ana tjeter, ne Fier,Lushnje, Korçe, Gjirokaster e Elbasan po vijon me ritme normale puna teksa numerohen me mijera te vaksinuar ne secilin qytet.
Vlen te theksohet se aktualisht Shqiperia ka mundur të sigurojë 4 lloje të vaksinave: “Pfizer”, “AstraZeneca”, “Covax” dhe “Sputnik-V”.
AlpeNews.al sjell pamjet e procesit këtë diele në Tiranë.
